„Сканија“ удрила во „Голф“ со пет луѓе во кавадаречко, среќа е што се живи
Петмина се повредени, од кои 33-годишен жител на Кавадарци потешко, во сообраќајна несреќа што се случила кај селото Конопиште, кога камион „Сканија“ удрил во нивниот „Голф“, соопшти МВР.
„Денеска (31.01.2023) во 10.00 часот во ОВР Кавадарци било пријавено дека на локалниот пат Мушов гроб кон Конопиште се случила сообраќајна несреќа помегу товарно возило „сканиа” со неготински регистарски ознаки, управувано од Ѓ.Т.(57) од Кавадарци и патничко возило „фолксваген голф” со кавадаречки регистарски ознаки, управувано од Б.Д.(27) од с.Марена, кавадаречко“, велат од МВР.
Во несреќата, со тешки телесни повреди се здобил М.Г.(33) од Кавадарци, сопатник во патничкото возило, додека со телесни повреди се здобил возачот на патничкото возило и тројца негови сопатници, констатирани во Општа болница во Кавадарци. Увид на местото извршила екипа од ОВР Кавадарци, додаваат од полицијата.