Според медиумите во Украина, посетата на израелскиот премиер, Бенјамин Нетанјаху на оваа земја не започнала на најдобар начин, а причината за тоа била неговата сопруга Сара.

Имено, таа прво се налутила бидејќи помислила дека не била поздравена при обраќањето кон патниците за време на летот.

Веднаш се упатила кон пилотската кабина, а кога не и било дозволено да влезе внатре, како што стои во прописите, Сара уште толку се налутила.

Инцидентот завршил откако повторно биле поздравени Нетанјаху и сопругата. Човекот тврдел дека го поздравил парот и при првото обраќање на патниците, но дека таа не го слушнала.

Кога пристигнале во Киев, на премиерот на Израел и на неговата сопруга им било традиционално добредојде.

Нив ги пречекале три девојки во народни украински носии. Додека Бенјамин го јадел лебот со сол, неговата сопруга го земала нејзиното парче и го фрлила на земја.

Подоцна на социјалните мрежи се појавило и видео од овој настан.

צפו: נתניהו נחת בשדה התעופה באוקראינה והתקבל בחגיגיות. גברים ונשים בלבוש מסורתי נתנו לרה"מ לבצוע חלה כנהוג במקום@ZeevKam pic.twitter.com/wYEdRjDz3K

— כאן חדשות (@kann_news) August 18, 2019