СКАНДАЛ ВО ЗАГРЕБ: Државен стан служел како параван за проституција
Во еден од државните станови во центарот на Загреб пронајдени се интимни играчки, женска долна облека, алкохол и цигари и утврдено е дека станот служел за проституција.
Големиот стан на трет спрат на Плоштадот Бан Јелачиќ бесплатно со години го користела една личност, пренесува ХРТ и додава дека тоа е откриено по одлуката на Министерството за државна управа да ја прекине праксата на бесправно располагање на државниот имот заради која државата губела милијарди куни.
Во станот службениците на министерството влегле на сила, а по откривањето на различните предмети началникот на секторот за недвижности Томислав Воларевиќ изјавил дека станува збор за недозволени дејности односно проституција.
„Најголем проблем се несредените имотни книги кои не даваат увид во вистинските работи на теренот и како што сите знаеме повеќето згради не се запишани во имотните книги односно не се етажирани во склад со сопственоста и другите права“, изјавил Воларевиќ.