Скандал во Шпанија: На натпреварувачка во реално шоу ѝ е пуштена снимка на која ја силуваат (ФОТО) – Слободен печат
ЖенаМагазин

Скандал во Шпанија: На натпреварувачка во реално шоу ѝ е пуштена снимка на која ја силуваат (ФОТО)

Оваа ситуација датира од 2017 година, но последниве денови е актуелна во шпанските медиуми, а окарактеризирана е како „ТВ скандал број 1 во Шпанија“.

Шпанија ја тресе скандал од сериозни размери. Учесничката во шпанското реално шоу „Големиот брат“ или како што во Шпанија се нарекува „Gran Hermanо“, Карлота Прадо (24) продукцијата во исповедалницата ѝ покажала видеоснимка на која се гледа како колега од шоуто ја силува.

Снимката не била емитувана во етер, но стигнала во рацете на шпанските медиуми, а јавноста е згрозена.

Mediaset España

Шпанските медиуми пишуваат дека шокираната девојка во неверување ја гледала снимката и ги молела продуцентите да ја прекинат, а глас ѝ одговара дека се случило нешто за што не била свесна и дека мисли дека треба да дознае за нападот.

Откако на една од забавите во куќата испила неколку чаши алкохол повеќе, девојката изгубила свест и не знаела што се случува околу неа, а натпреварувачот Хозе Мариа Лопез (26) ѝ помогнал да дојде до креветот. Карлота претходно во шоуто започнала романса со него, но не се согласила за полов однос, а не била ни во состојба да го направи тоа.

Шпанскиот портал El Confidencial пишува дека на снимката се слуша како девојката вели дека „не може“, а Лопез го обвинуваат дека започнал сексуален однос кој траел неколку минути, додека продуцентите не го запреле.

Следниот ден Лопез бил исфрлен од шоуто, а несреќната Карлота во исповедалницата дознала што се случило.

Оваа ситуација датира од 2017 година, но последниве денови е актуелна во шпанските медиуми, а окарактеризирана е како „ТВ скандал број 1 во Шпанија“.

Mediaset España

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close