Скандал во Бољшој театарот: Бараат и по 50.000 долари, а кладилниците ги одредуваат улогите!
Поранешната балерина Анастасија Волочкова (43) изјавила дека е во одлична форма и спремна повторно да се појави на сцената како Жизела и Бајадера. Како што пренеле руските медиуми, балерината позната по скандалите, последните неколку месеци се изгладнува, а следбениците ги известува за секој килограм што ќе го изгуби.
„Само пуштете ме на сцена“, рекла таа и се надоврзала на приказната за корупција во Бољшој театарот, чиј член и самата таа некогаш била.
„Сето тоа што тие го воведоа во Бољшој театарот е корупција, криминал и посипување со сумпорна киселина. Во јавноста се споменува дилемата за тоа колку чини за некој што тек пристигнал од балетската школа, стане член на ансамбалот и 32-от Лебед. Во прашање е сума од 50.000 долари. Исто така постои и кладилница кога се во прашање главните улоги“, раскажала оваа балерина.
Волочкова се присетила колку многу ја повредиле од овој театар, бидејќи и дале отказ поради тоа што не сакале да и ги дадат парите што ги заработила.
И покрај тоа што била примабалерина, таа не прима пензија за тоа. Се до 2003 година, Анастасија Волочкова била примабалерина во Бољшој театарот.
Како што самата навела, договорот го прекинала сред муабетите за нејзината „прекумерна“ тежина.
Ова и било кажано на балерината од страна на директорот на театарот, кој тврдел дека тогаш немале партнери за неа кои би можеле да ја подигнат.
