СКАНДАЛ СРЕДЕ ИЗБОРИ ВО УНГАРИЈА: Објавени експлицитни снимки од близок соработник на Орбан кој учествувал во оргии
Снимката која се појави на интернет датира од мај минатата година и снимена е на јахта во близина на Дубровник.
Денешните локални избори во Унгарија се проследени со с*кс скандал, откако на интернет се појави видео-снимка од оргијата на Жолт Боркаи, поранешен олимписки шампион во гимнастика и градоначалник на градот Ѓер.
Претходно, на девет дена пред изборите, се појавија првите фотографии од политичарот, кои оставија дамка врз неговата предизборна кампања.
Функционерот од владеачката партија Фидес е близок соработник на премиерот Виктор Орбан, што дополнително го привлече вниманието на јавноста.
По скандалот, Боркаи му се извини на неговото семејство, но одби да поднесе отставка.
На снимката од мај минатата година, кој е направен на јахта во близина на хрватскиот град Дубровник, Боркаи е снимен и сликан како ужива во друштвото на неколку проститутки од Хрватска.
Тој призна дека снимката е автентична, но ги демантираше наводите дека консумирал дрога на оргиите. Боркаи во предизборната кампања за локалните избори се претставуваше како семеен човек и ги промовираше христијанско-конзервативните вредности на партијата Фидес на Орбан.