СКАНДАЛ НА МУНДОБАСКЕТ: Ова мора да е Е..НА шега, не е кошарка! (ВИДЕО)
Селекторот на кошаркарката репрезентација на Литванија, Даиниус Адомаитис не го криеше незадоволството после елимиминацијата на неговиот тим од Мундобаскетот во Кина.
Литванија загуби од Франција, а Адомаитис беше многу лут кон судиските одлуки на натпреварот против селекцијата на Франција. Двајца судии на мечот имаше од Порторико, а еден од Аргентина.
Lithuania head coach Dainius Adomaitis explodes in press conference after the loss against France ? pic.twitter.com/s59Np7kHxi
— Basketnews.lt (@BasketNews_lt) September 7, 2019
Имаше еден сомнителен момент во самиот финиш, при водство на Французите од 76:75 на пола минута до крајот, Јонас Валанчиунас не реализираше слободно фрлање, и Руди Гобер во борбата за скок го допре обрачот, што според правилата би требало да биде кош за Литванците.
– Судиите одлучуваат втор меч по ред. На Австралијците им пуштија да играат „рагби“, а сега…Ова е е..на шега, а не кошарка. Запрете ја играта, погледнете ја снимката. Тие луѓе поминуваат два месеци без своите семејства и се жртвуваат, почитувајте ги! Поради што се вложуваат пари во видео системот? Само погледнете и ќе биде фер. Дојдовме овде со своите цели и јасна идеја што сакаме. Играат две европски репрезентации, дајте тројца европски судии да ја делат правдата – коментираше селекторот на Литванија, Адомаитис.
Од групата Л во четвртфиналето се пласираа Франција и Австралија.