„Ситуацијата не е на задоволително ниво“: Хрватска ги продолжи мерките до 15 февруари
Хрватска денеска ги продолжи епидемиолошките мерки до 15 февруари, меѓу кои и понатаму се затворени кафулињата, рестораните и теретаните, со што предизвикаа незадоволство кај угостителите, кои најавуваат протести.
Шефот на кризниот штаб, Давор Божиновиќ на прес-конференција рекол дека се надева дека нема да дојде до протест, бидејќи според него нема причини за тоа.
– Мерките се само продолжување на оние кои се на сила веќе два месеци и во тие два месеци дојдовме до јасен пад во бројките на новозаразени, вели Божиновиќ.
Тој додал дека и покрај падот на бројките на новозаразени епидемиолошката ситуација не е на задоволително ниво.
ВО последните 24 часа во Хрватска се пријавени 29 смртни случаи и 561 новозаразено лице со коронавирус, соопшти Државниот штаб.
Во Хрватска има 3.117 активни случаи на коронаврус, од кои 1.286 се хоспитализирани, а 121 пациент е на респиратор.
Извор: Блиц.рс