Сите во сала – македонските млади кошаркари играат против Австрија за европска титула
Македонската јуниорска кошаркарска репрезентација е во финалето на Европското првенство – Дивизија Б за играчи до 18 години што се одржува во Скопје. Денеска од 21.30 часот (влез слободен), во големата сала на Спортскиот центар „Борис Трајковски“ во Скопје против Австрија ќе пишува уште една страна од македонската кошаркарска историја.
Репрезентативците предводени од селекторот Горан Андреевски имаа пет победи во првата фаза, дојдоа и оние во четвртфиналето, против Португалија, еден ден подоцна, во полуфиналето против Бугарија.
Сега на ред е битката за златните медали, за победничкиот пехар на Евро-шампионатот во главниот град.
– Меч со Бугарија, посебна мотивација, силна репрезентација, но, бевме премотиворани за тука да застанеме. ЗНАЕВМЕ ДЕКА ЦЕЛА МАКЕДОНИЈА Е СО НАС, ДЕКА Е НА НОЗЕ, А ПОГОЛЕМ МОТИВ ОД ТОА НЕ МОЖЕ ДА ИМА. Целата стратегија за натпреварот ја реализиравме и подобро од договореното. Успеавме да ги неутрализираме нивните најдобри играчи Гаваљугов и Колев – ги посочува Андреевски, основните причини за најважниот триумф на првенството.
Следува големото финале, дуелот во кој ќе играат две репрезентации кои се со максимален ефект.
– Денеска влегуваме малку порастоварени, бидејќи главната цел ја остваривме, а тоа е влез во „А“ дивизијата. Но, се разбира и кон овој меч ќе влеземе максимално посветено и ќе се обидеме сите да ги израдуваме со злато. Емоциите ги тргнуваме на страна, играме храбро како и секогаш. Одиме на уште една победа. Ве чекаме сите во сала, во уште поголем број од вчера – се зборовите на селекторот.
Затоа, и да ја испочитуваме пораката на селекторот, вечерва, сите патишта водат кон СЦ „Борис Трајковски“. Македонските јуниори се борат за златото, за победничкиот трофеј, за историја!
ЕВРОПСКО ПРВЕНСТВО – ДИВИЗИЈА „Б“ (У18)
РЕЗУЛТАТИ:
ГРУПНА ФАЗА
МАКЕДОНИЈА – ИРСКА 73:63
МАКЕДОНИЈА – БОСНА И ХЕРЦЕГОВИНА 99:87
МАКЕДОНИЈА – ЧЕШКА 94:86
МАКЕДОНИЈА – КИПАР 102:61
МАКЕДОНИЈА – УКРАИНА 83:72
ЧЕТВРТФИНАЛЕ
МАКЕДОНИЈА – ПОРТУГАЛИЈА 71:42
ПОЛУФИНАЛЕ
МАКЕДОНИЈА – БУГАРИЈА 92:68
ФИНАЛЕ
МАКЕДОНИЈА – АВСТРИЈА
