Сите горива по иста цена, единствено поскапува Еуросупер БС-95
Од ноќеска на полноќ за половина денар по литар ќе поскапи цената на бензинот ЕУРОСУПЕР БС-95, додека цената на останатите горива останува иста, стои во соопштението на РКЕ.
Со одлуката на Комисијата се врши намалување на малопродажните цени на нафтените деривати во просек за 0,35 отсто.
Па така, новата малопродажна цена на ЕУРОСУПЕР БС-95 изнесува 67 денари за литар. ЕУРОСУПЕР БС-98 ќе продолжи да се продава за 69, ЕУРОДИЗЕЛ (Д-Е V) за 60, а Екстра лесното масло за домаќинство (ЕЛ-1) за 49,5 денари за литар.
Со одлуката на РКЕ за 0,848 денари за килограм се намалува малопродажната цената на мазутот М-1 НС и ќе изнесува 33,003 денари.
На светскиот пазар во изминатите седум дена се бележи пораст на референтната цена кај бензинот во просек за околу 2,44 отсто или за 14,10 долари по тон, а кај дизелот има зголемување во просек за околу 1,088 отсто или 5,95 долари по тон. Курсот, пак, на денарот во однос на доларот е повисок за 0,82 отсто.