Сите бевме среќни што си замина Роналдо
Германскиот репрезентативец , Тони Крос , одлучи да не ги следи стапките на Кристијано Роналдо и потпиша нов договор со Реал Мадрид до 2023 година. Тој во интервју за „Билд“ вели дека ништо не е исто во Мадрид по заминувањето на Португалецот.
– Невозможно е да не се почувствува отсуството на фудбалер како Кристијано Роналдо. Тој реши толку многу натпревари, ни донесе многу трофеи и сите беа среќни од неговиот допринос. Меѓутоа, по девет години во Мадрид, Кристијано одлучи дека е време за ново искуство, а Реал Мадрид заработи многу пари од неговиот трансфер, така што со неговото заминување сите беа среќни – изјави Крос.
Крос неодамна потпиша нов договор со кој се обрза дека со 2023 година ќе остане на „Сантијаго Бернабеу“. Што се однесува до иднината, тој во едно е сигурен, нема да игра во САД или во Кина.
– Кога ќе ми заврши договорот со Реал ќе имам 33 години и можеби уште тогаш ќе се пензионирам. Ќе седнам и ќе размислам добро, но знам дека нема да игра во Кина, во САД или во Катар – вели Крос кој со Реал Мадрид освои три титули во Лигата на шампионите.