СИРИЗА: Нова демократија со позицијата во македонското прашање го одбира радикално десничарскиот табор

Фото Архива на СП

Писмото од 33 европратеници испратено до Комисијата за Нобеловата награда со поддршка за номинацијата на Зоран Заев и Алексис Ципрас, беше причина од грчката владејачка партија СИРИЗА да упатат критики до опозициската Нова демократија поради ставот за македонското прашање.

Велат дека на претстојните евроизбори должност на прогресивните и демократските Европејци е „да се порази радикалната десница, односно квазипатриотизмот и националистичката реторика”, а „за жал, Нова демократија со позицијата во македонското прашање јасно е дека одбра да заземе позиција во таборот што треба да се порази во корист на Европа и нејзините вредности”, јави дописничката на МИА од Атина.

-Триесет и тројца европратеници од целиот демократски спектар, меѓу кои и тројца од Европската народна партија, го предлагаат грчкиот премиер за Нобеловата награда за мир за Договорот од Преспа. Господинот Мицотакис и Нова демократија кои продолжуваат да го обвинуваат за „штетен договор” и „размена”, каде се поставуваат на европската политичка сцена?, соопштуваат и прашуваат од СИРИЗА.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот