После скоро три часа игра на теренот во Њујорк (САД), најдобриот светски тенисер успеа во полуфиналето да го елиминира 12 носител Роберто Баутиста-Агут.

Светскиот ас триумфираше против Шпанецот со резултат 2:1 во сетови 4:6, 6:4, 7:6 (6:0). Ѓоковиќ во третиот сет имаше 5:2, но неговиот противник се врати и дури да поведе со 6:5 во гемови.

Во еден крајно драматичен меч тежок и за двајцата тенисери, Ноле повторно мораше да се враќа,а во тај-брејкот не му дозволи ниту еден поен на Агут.

В недела во големото финале на Мастерс турнирот во Синсинати, Ѓоковиќ ќе игра против Милош Раонич, Канаѓанецот во првата полуфинална пресметка беше подобар од Гркот Стефанос Циципас со 7:6 (5:0) и 6:3.

Ѓоковиќ на сите досегашни меѓусебни дуели триумфираше против Раонич. За Србинот ова ќе биде 51 финале на Мастерс турнирите, ќе игра за 35. Мастерс титула, а 80. во неговата кариера.

Во женска конкуренција за титулата ќе играат Јапонката Наоми Осака и Викторија Азаренка од Белорусија.