Суд во Тајланд денеска го ослободи синот на поранешниот премиер Таксин Шинаватра за перење пари во случај за заем од 328 милиони американски долари што државната банка му го доделила на градежен изведувач кога неговиот татко ја презеде власта.

Централниот кривичен суд за случаи на корупција и несовесно однесување пресуди дека Пантонгта Шинаватра не е виновен во случајот што го одобрила банката Крунгтаи во 2003 и 2004 година на Крисдамханахорн и неговите подружници.

Пантонгта рече дека чекот од 10 милиони бахти (331.000 американски долари) кој го добил од синот на сопственик за недвижности бил наменет за друг деловен потфат, и му бил вратен кога ја завршил предложената инвестиција.

Таксин Шинаватра, кој беше соборен од власт во воен удар во 2006 година, во врска со овој случај беше ослободен годинава.

Тој избега од земјата во 2008 година за да избегне издржување казна затвор за судир на интереси и оттогаш беше мета на други правни постапки за кои вели дека се политички мотивирани.