Формула 2 возачите Мик Шумахер и Калум Ајлот ќе бидат дел од тркачкиот Формула 1 викенд во Германија, поточно на првиот тренинг за екипата на „Алфа Ромео“ односно „Хас“.

Мик Шумахер е синот на Ф1 легендата Михаел Шумахер, член на возачката академија на Ферари (ФВА) и моментно е водечки во шампионатот на Формула 2 во кој до крајот остануваат уште две трки.

Колегата на Шумахер од ФВА исто така оваа година ќе настапува во официјалниот дел на Формула 1. Ајлот покрај Шумахер ќе има настап на патеката Нирбургринг, возејќи за екипата на „Хас“ на првиот тренинг.

More on the news that @SchumacherMick, @callum_ilott and @ShwartzmanRob are all to make their F1 race weekend debuts in 2020

Schumacher and Ilott are up first – at next month's Eifel Grand Prix ??#F1 #RoadToF1 https://t.co/Cf308B6C1U

— Formula 1 (@F1) September 29, 2020

Рускиот возач Роберт Шварцман можност за настап ќе има на последната трка од сезоната, Големата награда на Абу Даби исто така на првиот тренинг.

– Пресреќен сум што добив можност да настапам на слободен тренинг. Фактот дека моето прво учество во Формула 1 ќе се одржи пред домашна публика во Нирбургринг го прави овој момент уште посебен – рече младиот Шумахер, а пренесува сајтот на Ф1.

Тркачкиот викенд на патеката во Германија ќе се вози од 9-11 октомври 2020 година.

Германски невролог нема многу оптимистички вести за состојбата на Шумахер: Тој е буден, но тоа е највеќе што може да направи