Синдикатот на Пошта загрижен заради пропаѓањето на Еуростандард банка, бараат итна средба со премиерот

Синдикатот на Пошта на Северна Македонија изразува загриженост од состојбата во работењето на компанијата, особено по прекинот на работењето на платниот промет во 330 поштенски единици, и бара итна средба со премиерот за изнаоѓање решение.

Претседателот на синдикатот на Пошта на Северна Македонија, Боро Велигденов, денеска на прес-конференција пред Владата ги наведе состојбите во претпријатието по почетокот на коронакризата која го намали внатрешниот и меѓународниот сообраќај, како и влијанието врз работењето со пропаѓањето на Еуростандард банката и прекинот на платниот промет во единиците на поштата.

-Стечајот на Еуростандард банка сериозно го наруши работењето на Македонска пошта. Генерира на дневна основа сериозни загуби на финансиското работење со оневозможување на услугата во платниот промет во над 330 – те поштенски единици на територијата на целата држава. Дополнитело, и прекинот на услугите во меѓународниот сообраќај и намалувањето на приходите во внатрешниот пазар изминатите шест месеци како последица од коронавирусот кај нас од 2300 вработени влева сериозна загриженост и страв за иднината на компанијата, редовна исплата на плати и зачувување на своите работни места, изјави Велиденов.

Прочитајте и...  Турција уапси седум лица како осомничени членови на Исламска држава

Оцени дека неработењето на 330-те единици на пошта и статус кво состојбата со неработењето на платиот промет претставува директна закана за егзистенцијата на вработените, но и тоа дека  неработењето на поштенските филијали има влијание и врз граѓаните кои ги користат услугите.

Не смета дека има ризик од одење во стечај на фирмата, како и дека не се доведени во прашање исплатата на плати на вработените.

-Има огромен проблем кај над 100 илјади корисници кои ја користат пошта за исплата на пензија и социјална помош, рече Велигденов.

Според него, Владата како целосен сопственик на Пошта на Северна Македонија со оглед на сериозноста на состојбите има обрска да се заложи и да ја постави како приоритет и итно да донесе одлука за склучување договор со друга банка со цел овозможување платен промет во пошта. Воедно да се заложи за стабилизација на компанијата со финансиска поддршка и покривање на загубите кои од ден на ден се се поголеми.

Прочитајте и...  Петти ден протести во Полска поради законот за абортус

Тој побара итна средба со премиерот, најдоцна до истекот на наредната недела, за изноаѓање решение и овозможување платен промет во филијалите на Пошта. Како што рече, има одредени преговори со некоја банка за договор за платен промет преку поштенските филијали, но немаат конкретни информации.

Поврзани вести

Црн вторник за Албанија, 7 починати и нови 284 заразени од коронавирус

Илинка Иљоска

Нови 628 случаи на коронавирус, 15 лица починаа, 531 се оздравени

Слободен печат

И чеченскиот лидер Кадиров со обвинување за Макрон: Tој само го разгорува огнот, наместо да го гасне

Илинка Иљоска

Сите заклучоци од денешната седница на Владата

Слободен печат

Шефот на француската дипломатија: Повиците за бојкот на француските производи се ограничени

Илинка Иљоска

Дуел на ранети лавови

Слободен печат

Остави Коментар