Синдикатите во Франција втор ден ќе штрајкуваат (ВИДЕО)
Штрајкот што го наруши јавниот превоз и ги затвори училиштата низ Франција денеска влегува во втор ден, а синдикатите најавуваат дека планираат да штрајкуваат се додека претседателот Емануел Макрон не се откаже од планираната пензиска реформа.
Штрајкот го спротивстави Макрон, 41-годишен поранешен банкар, кој дојде на власт во 2017 година со ветување за отворање високо регулирана француска економија, со моќни синдикати кои велат дека тоа ќе го влоши статусот на работниците.
French unions call for general strike against pension reforms #Paris #France
LIVE: https://t.co/VGvcHWRIlP pic.twitter.com/LmknyW3L1Z
— Ruptly (@Ruptly) December 5, 2019
Исходот ќе зависи од тоа кој ќе ги попушти прв – синдикатите кои ризикуваат да изгубат поддршка од јавноста доколку дневните нарушувања траат премногу долго, или владата што се плаши гласачите да застанат зад синдикатите и да ја обвинат за хаосот на улиците.
Железничките синдикати гласаа за продолжување на штрајкот на петок, додека синдикатите на јавниот превоз во Париз одлучија тој да трае до понеделник. Останатите работници ќе одлучат за времетраењето на штрајкот денеска.
? | Unions in #France hit the streets for "unlimited" strike
▪️65% of schools will remain closed
▪️11 out of 16 metro lines in #Paris will not operate
▪️90% of high-speed trains canceled
▪️30% of domestic flights of Air France canceledpic.twitter.com/XO0iWJUSzw— EHA News (@eha_news) December 5, 2019
Десетици илјади луѓе вчера излегоа на улиците на француската престолнина – полицијата проценува дека 65.000 луѓе протестирале во Париз и дека имало 806.000 демонстранти низ цела Франција. Синдикатите имаат поголема бројка.
Безбедносните сили во Париз употребија солзавец откако демонстрантите фрлаа пиротехника кон полицијата, уништија автобуски станици и запалија контејнери за ѓубре. Неколку десетици лица се уапсени, а синдикатите истакнуваат дека оние што вршат насилство не се поврзани со нив.