Тренерот на фудбалерите на Атлетико Мадрид, Диего Симеоне, призна дека поразот од Барселона од 4:2 во Ла Лига сериозно им штети на амбициите на неговиот тим во борбата за титулата.

Според него, Каталонците веќе имаат предност и се главен фаворит за трофејот, додека „јорганџиите“ треба да играат натпревар по натпревар и да се надеваат на лоши резултати од конкурентите.

– Барса има еден натпревар помалку и не знам како ќе се развива битката за првото место. Тие веќе имаат предност и тоа е реалноста. Ќе повторам и сега, Барселона е тимот кој го игра најдобриот фудбал. Ни останува само да ја продолжиме борбата на секој натпревар, почнувајќи од претстојниот натпревар против Еспањол. Им честитам на Барселона – беа поагресивни во клучните моменти. Водевме, но не го задржавме водството доволно долго за да стекнеме самодоверба. Можевме подобро да реагираме и поефикасно да ги искористиме нашите контранапади, но за жал не донесовме правилни одлуки – рече Симеоне.

Моментно на првото место во шпанското првенство Барселона е првопласирана со 60 бодови, колку и Реал Мадрид на второто место, додека Атлетико Мадрид е на третата позиција со 56 бодови.

Во следното коло на 30 март Барселона ќе ја пречека Жирона на македонскиот репрезентативец Бојан Миовски, додека Атлетико Мадрид еден ден порано ќе му гостува на Еспањол.