СИЛНА МАЈКА: Ја покажала реалноста на МАЈЧИНСТВОТО со фотографија на која ПЛАЧЕ ОД ИСЦРПЕНОСТ (ФОТО) – Слободен печат
ЖенаМагазинСемејство

СИЛНА МАЈКА: Ја покажала реалноста на МАЈЧИНСТВОТО со фотографија на која ПЛАЧЕ ОД ИСЦРПЕНОСТ (ФОТО)

Малку драматично, знам, но ова е реалност на многу мајки, напишала Рејчел.

Рејчел Џампиетро со искрен приказ на мајчинството го освои интернетот.

Објавила фотографија која е снимена три дена по раѓањето на нејзиното второ дете, ќерката Бела.

Како што вели, фотографијата е резултат на исцрпеноста што ја почувствувала кога првпат останала сама дома со две деца и се соочила со обврските околу новороденчето и тригодишниот син Лукас.

„Ако подобро погледнете, ќе видите дека солзи ми течат низ образите. Малку драматично, знам, но ова е реалност на многу мајки“, напишала.

„Двајцата спијат, ама Лукас само што го имаше најголемиот излив на бес, јас само седев и плачев и не бев ни физички ни психички во состојба да му помогнам. Чувствувам вина, исцрпеност и умор“, додала и рекла дека тоа се помалку пријатните моменти од мајчинството за кои никој не зборува.

„Но токму тие моменти ни даваат сила и нè прават поотпорни. Тешките времиња се најдобрите учители и ако успеете да го поминете тоа во текот на првите денови, месеци и години на мајчинство, тогаш можете сè“, порачала.

За да ја објави фотогртафијата се одлучила поради совршените фотографии од мајки и деца кои постојано се објавуваат.

Само неколку часа од објавата добила повеќе од 100.000 лајкови,коментари и споделувања.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close