Силна експлозија во дипломатскиот кварт во Кабул
Силна експлозија одекна денеска во Кабул, по што во источниот дел на престолнината, во близина на областа каде се сместени меѓународни организации, се слушнале и пукотници.
Портпаролот на Министерството за внатрешни работи Насрат Рахими изјави дека експлозијата се слушнала во источниот дел на Кабул, каде што живеат странци и каде Обединетите нации имаат неколку канцеларии.
Локалните медиуми јавија дека експлодирал автомобил – бомба.
Засега никој не ја презеде одговорноста за оваа експлозија и нема извештај за повредени.
Експлозијата одекна во момент на посетата на американски дипломат на Кабул, кој го информираше авганистанскиот претседател Ашраф Гани за нацрт-мировниот договор со талибанците, според кој илјадници американски војници треба да се повлечат од Авганистан.