Силјановска со сочувство за смртта на Беличанец: Посебно боли кога смртта не била судбина – Слободен печат
ВестиХроника

Силјановска со сочувство за смртта на Беличанец: Посебно боли кога смртта не била судбина

Унијата на жени на ВМРО-ДПМНЕ изрази длабоко сочувство за смртта на актерката, која беше и нивен член.

Претседателскиот кандидат Гордана Силјановска Давкова на својот профил на Фејсбук изрази сочувство за смртта на актерката Билјана Беличанец.

„Секоја загуба боли. Веста за секоја смрт погодува. Но, најголем вознемир предизвикуваат вестите за нечија прерана смрт. Посебно кога смртта не била судбина…

Длабоко ме потресе веста за заминувањето на личност како Билјана Беличанец-Алексиќ, чиј лик и глас допирал во секој наш дом, кој ни станал близок и кој ќе ни остане врежан во сеќавањата. Таа имаше уште толку многу да ни даде нам и на театарската уметност.

Но, ќе остане запомнета, меѓу другото, и како една од ретките жени градоначалнички во Република Македонија. Нека почива во мир“, напиша Силјановска Давкова.

И Унијата на жени на ВМРО-ДПМНЕ изрази длабоко сочувство за смртта на актерката, која беше и нивен член.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close