Соединетите Американски Држави за време на 2019 година во Авганистан фрлиле повеќе бомби отколку било која година претходно, односно откога Пентагон од 2006 година води евиденција.

Според извештајот кој го објави Американската централна команда, авионите фрлиле 7.423 бомби и друга муниција над Авганистан, што е речиси осум пати повеќе во однос на 2015 година.

Зголемениот интензитет на воздушната кампања го следи и бројот на цивилни жртви. Според податоците на ОН, на САД им се препишуваат поволивна од смртните случаи, од 1.149 кои се убиени во напади на провладините сили во првите три четвртини на 2019 година, пренесува „Гардијан“.

Талибанците и другите оружени групи се одговорни за 1.207 смртни случаи на цивили, а особено ги засилија нападите за времето на летото.

До порастот на крвопролевањето дојде додека САД и талибанците водеа мировни преговори, кои на американската страна ги водеше специјалниот пратеник Залмај Калилизад. Претседателот на САД ги откажа преговорите во септември, обвинувајќи ги талибанците за самоубиствениот напад во Кабул каде беше убиен американски војник.