Либиската национална армија (ЛНА) на генералот Калифа Хафтар, која ја започна офанзивата во Триполи, седиште на меѓународно признатата влада, на полицијата во Мисрата која го брани градот, и даде рок од три дена да се повлече.

Во соопштението, ЛНА ја предупредува полицијата да се повлече од Триполи и Сирт или во спротивно Мисрата ќе биде цел на секојдневни напади.

Борбите за Триполи се водат веќе четири месеци, а минатата недела генералот Хафтар објави дека започнала круцијална битка за главниот град.

Соопштението на силите на Хафтар следеше по воздушните напади што ги извршија во магацин на турско оружје и воена опрема во Триполи.

Нападот предизвика осуда на премиерот Фајез Сарај, кој рече дека има цивилни жртви.

Турција, Катар и Италија ја поддржуваат владата на Сарај во Триполи, додека Хафтар има поддршка од Франција, Русија и клучните арапски земји, вклучувајќи ги Египет, Обединетите Арапски Емирати и Саудиска Арабија.