Трговските војни ќе го поткопаат меѓународниот трговски систем, стабилноста на глобалниот економски поредок и легитимните интереси на сите земји во светот, особено на земјите во развој, изјави денеска кинескиот претседател Си Џинпинг.

Си, за време на состанокот со неговиот виетнамски колега Луонг Куонг во Ханој, рече дека Кина и Виетнам треба заеднички да се спротивстават на политиката на моќ и унилатерализмот.

Си упати честитки за 95-годишнината од основањето на Комунистичката партија на Виетнам, 80-годишнината од основањето на Виетнам и 50-годишнината од ослободувањето на Југот.

Истакнувајќи дека оваа година се одбележуваат 75 години од дипломатските односи меѓу Кина и Виетнам, Си рече дека за тоа време односите меѓу двете земји постигнале не само братство и солидарност, туку и соработка во автомобилската индустрија, пренесе Ксинхуа.

Кина минатата година објави дека ќе ги зголеми царините за увоз на американски производи од 84 на 125 отсто, а одлуката стапи на сила на 12 април.