„На булеварот си прават зеленило, а никако да им текне пешачки премин и пристапна патека да направат. Во нашата зграда има 520 стана и навистина е невозможно регуларно да го преминеме булеварот. Во моментов екипи на Паркови и зеленило го засадуваат токму делот каде што треба да биде преминот. Затоа ние сакаме со време да реагираме со цел да се реши овој проблем“.

„На средината на коловозот постојат премини, меѓутоа и од едната и од другата страна треба да газите преку трева или земја за да преминете, ситуацијата воопшто не ни е јасна, зошто три пешачки премини кои ќе бидат уредно обележани и три пристапни патеки до истите се проблем“.

„Реагиравме кај надлежните, дури и на градоначалникот му се обративме. По нашата реакција, тој беше дециден дека нема да се прават пристапни патеки. Ние се чудиме како ќе ја поминуваме улицата…“