Си-Ен-Ен: На аеродромот во Кабул дозволен влез само за државјани на САД и земјите од НАТО
САД ќе ја сменат политиката за пристап на меѓународниот аеродром во Кабул, објави Си Ен Ен.
Според извор на телевизија, на територијата на аеродромот сега ќе им биде дозволен влез само на државјани на САД и земјите-членки на НАТО, како и лица кои поседуваат американска зелена карта. Американците и државјаните на земјите од НАТО ќе имаат право да земат блиски роднини со себе. Авганистанците кои аплицирале за специјална имигрантска виза за САД не спаѓаат во оваа категорија.
Изворот на Си-Ен-Ен наведува дека членовите на радикалното талибанско движење и помагаат на американската војска со проверка на документите на оние кои сакаат да влезат на аеродромот.
Телевизијата објави дека моментно има околу 20.000 луѓе на аеродромот во Кабул, а периодот на евакуација истекува на 31 август. По тој датум, талибанците ќе го сметаат присуството на американските сили во Авганистан како продолжување на окупацијата, изјави денеска портпаролот на политичката канцеларија на движењето во Катар, Мохамад Сохаил Шахин