ВИДЕО | Кинескиот лидер Си му се подналути на Трудо: Сѐ што зборувавме, излезе во медиумите
Видеото на кое кинескиот претседател Си Џинпинг го прекорува канадскиот премиер Џастин Трудо предизвика лавина реакции на социјалните мрежи.
На видеото снимено на самитот на Г-20 во Индонезија, кинескиот претседател го повлекува канадскиот премиер настрана и вели дека „не е соодветно“ деталите од нивниот претходен разговор да бидат споделени со медиумите.
„Сè што зборувавме го има во медиумите, тоа не е соодветно“, му рече кинескиот претседател на канадскиот премиер Џастин Трудо.
BREAKING: Chairman Xi dresses down Justin Trudeau like a junior employee for leaking their private conversation to the media. Trudeau can barely walk after pic.twitter.com/QlRtbiBSIg
— Jack Posobiec 🇺🇸 (@JackPosobiec) November 16, 2022
„Веруваме во слободен, отворен и искрен дијалог и така ќе продолжиме да работиме конструктивно заедно, но ќе има работи околу кои нема да се согласуваме“, му одговори Трудо на кинескиот претседател.
