Најдобрата светска тенисерка Ига Швјонтек продолжува да ги „тероризира“ противничките притоа испишувајќи нови страници во тениската историја откако славеше убедливо во првото коло на Вимблдон.

Швјонтек за само 75 минути со 6:0,6:3 ја совлада Јана Фет од Хрватска. Ова беше 36 победа по ред за Швјонтек, што претставува најдолга победничка серија во 21 век, надминувајќи ги сестрите Венус и Серена Вилијамс.

Серена имаше серија од 34 победи по ред, Венус една повеќе, а денеска Швјонтек ги надмина и потврди дека нема конкуренција.

Следна противничка на Швјонтек ќе биде Лесли Патина Керхове коај во првото коло беше поуспешна од Сонај Картал во три сета.

Последниот пораз Швјонтек го доживеа на 16 февруари во Дубаи од Јелена Остапенко, по што ја започна победничката серија со која победи на турнирите во Доха, Индијан Велс, Мајами, Били Џин Кинг купот, Штутгарт, Рим и Ролан Гарос.

Во останатите мечеви во женска конкуренција, Марија Сакари со 6:1,6:4  ја победи Хајвс, Јелена Остапенко беше подобра со 6:4,6:4 од Додин,  Барбора Кречикова со 7:6,6:3 ја победи Заневска, додека Белинда Бенчиќ беше непријатно изненадена губејќи со 1:2  во сетови од Ванг.

It’s official: Iga Swiatek has the longest win streak of the century. pic.twitter.com/Odnu2Y8pia

— US Open Tennis (@usopen) June 28, 2022