Шверцери на дрога СПАСИЛЕ полицајци, па потоа биле уапсени
Полицајци завршија во море откако нивниот брод се судрил со бродот на шверцерите на дрога кои тие ги бркале. За нивна среќа, тие биле спасени од криминалците што ги бркале, пренесува Гардијан.
Во вчерашната потера блиску до брегот на Шпанија, полицискиот чамец со тројца полицајци го бркал глисерот каде имало осомничени лица за транспорт на наркотици, вели соопштението на полицијата.
Додека траела потерата, двата брода се судриле, по што полицајците паднале во морето, а бродот изгубил контрола. Шверцерите ги спасиле полицајците, но тие сепак биле уапсени, откако полиција пронајде три тони хашиш во водата блиску до бродот.
„Тие беа уапсени под обвинение за трговија со дрога“, се вели во полициското соопштение, додавајќи дека се извадени повеќе од 80 пакувања хашиш од морето.