Швеѓаните ја растурија Русија, Франција е силна и без Карабатиќ

epa08963194 Portugal's Daymaro Salina (L) in action against France's Nedim Remili (R) during the Main Round match between Portugal and France at the 27th Men's Handball World Championship in Giza, Egypt, 24 January 2021. EPA-EFE/Anne-Christine Poujoulat / POOL

Селекцијата на Шведска на убедлив начин ги заврши настапите во главната рунда, и со триумф изразен со 14 гола разлика си обезбеди пласман во четврфиналето. Швеѓаните со убедливи 34:20 ја победија Русија и го заверија првото место во групата 4 во која беше и Македонија. Пелас со седум гола беше најефикасен на мечот, додека Котов со четири гола беше најпрецизен кај Русија.

Франција уште еднаш покажа дека е силна и може да победува во најтешките моменти и без својот најдобар ракометар, Никола Карабатиќ. Иако Португалија пред почетокот на натпреварот ја имаше фаворитската улога, Франција покажа зашто доминира во светскиот ракомет во последните 10-тина години, дојде до убедлив триумф од 32:23.

Дескат постигна осум гола, Дика Мем и Нгесан дадоа по пет гола за Франција, додека кај Португалците најпрецизен беше Соареш со шест гола.
Со одигрувањето на натпреварите од последното коло во групите 3 и 4, познати се и четвртфинални двојки на СП во Египет, тоа се Франција – Египет и Шведска – Норвешка.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот