Шведската принцеза Викторија по втор пат заразена со ковид-19
Шведската принцеза Викторија е позитивна на коронавирус и има благи симптоми, соопшти денеска кралскиот двор.
Викторија е ревакцинирана, а кралскиот двор посочи дека принцезата, која еднаш веќе имаше Ковид-19, е во самоизолација со своето семејство, објави „Ројтерс“.
Претходно оваа недела, нејзините родители, кралот и кралицата на Шведска, исто така беа позитивни на тестот за корона.
„Кралот и кралицата, кои се целосно вакцинирани со три дози, имаат благи симптоми и се чувствуваат добро, со оглед на околностите“, соопштија од палатата пред неколку дена.
Кралската палата во Стокхолм претходно објави дека кралот Карл XVI Густав (75) и кралицата Силвија (78) се во самоизолација и дека се работи на пронаоѓање на луѓето со кои биле во контакт.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот