Шведската полиција основа работна група за борба против банди

Фото: Профимедиа

Шведската полиција соопшти денеска дека ќе формира специјална работна група за справување со бранот пукања и бомбашки напади поврзани со криминални банди по фаталната пукотница, кога за време на викендот загина 15-годишник во градот Малме.

Шведската полиција соопшти дека во саботата едно 15-годишно момче е убиено, а уште еден тинејџер е тешко повреден во оружен напад на плоштад во градот Малме.

Локалната полиција наведе дека непознати напаѓачиотвориле оган во пицерија, а според очевидци тие веднаш побегнале со велосипед од местото на инцидентот. Нападот се случил само неколку минути по експлозија на бомба, која била поставена под автомобил во друг дел на Малме. Полицијата се уште не потврдила дали двата инцидента се поврзани и се уште не ги идентификувала осомничените во двата случаја

Шведска, иако ужива репутација на една од најбезбедните земји во светот со оглед на ниската стапка на криминал и убиства, во последните години се соочува со војни на банди во поголемите градови.

Полицијата минатата недела соопшти дека досега имало 187 бомбашки напади, за разлика од 152 колку што имало во цела 2018 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот