Шведската полиција уапси 19 пропалестински активисти на Универзитетот во Стокхолм

Знамето на Палестина/ Фото: EPA-EFE/MATTEO CORNER

Шведската полиција денеска уапси 19 пропалестински активисти кои се забарикадираа на третиот кат од зградата на Кралскиот институт за технологија (KTH) во Стокхолм.

-Тие најверојатно ќе одговараат за попречување и непочитување на полицијата, велат од полицијата.

Активистите околу пладне со столови и маси го блокираа влезот во зградата на институтот, додека дел од демонстрантите извикуваа „Слободна Палестина“ и закачуваа палестински знамиња на прозорците.

Набрзо пред КТХ се појавија луѓе кои ги поддржуваа активистите, како и голем број полицајци кои упаднаа во зградата, пренесоа американските медиуми.

Во данската престолнина, активистите ги тргнаа шаторите од кампусот на Универзитетот во Копенхаген, а некои од нив во средата се преселија на плоштадот на Градското собрание, каде што поставија шаторски камп, барајќи од Данска да ја бојкотира продажбата на оружје на Израел.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот