Шведска нуди село на продажба
Пандемијата од коронавирусот можеби го запре глобалниот пазар на недвижности, но во Шведска, која никогаш во потполност не потпадна под блокада, на продажба е ставено цело село по цена од 70 милиони шведски круни или околу 7,3 милиони долари.
Сатра Брун е село на периферијата на главниот град на Шведска, Стокхолм.
Селото датира од 1700 година кога лекарот Самуел Скраг откри извор на вода и го купи околното земјиште. Потоа изгради бунар, куќи со извори, болница, црква и куќи.
Тоа се случувало во време кога била во пораст популарноста на природните извори, бидејќи се сметало дека пиењето и бањањето во висококвалитетна вода има балансирачки и исцелителнен ефект врз здравјето и добросостојбата.
Гостите биле повикувани секојдневно да пијат од водата. Им биле нудени и топли и ладни бањи, бидејќи се верувало дека помагаат во воспоставување емоционална рамнотежа.