Шварценегер повторно ја покажа својата хумана страна: Преку 1.000 оброци беа донирани во болницата во Лос Анџелес! (ВИДЕО)
Прочуениот „Терминатор“, актер и бодибилдер Арнолд Шварценегер (72) на болницата во Лос Анџелес и прати повеќе од 1.000 бесплатни оброци во знак на благодарност до сите здравствени работници, особено оние во првите борбени редови за време на пандемијата од коронавирус, за кои вели дека се фантастични.
Арнолд за оваа прилика сними видео кое се најде и на Јутјуб и на друштвените мрежи, каде што објаснува како дошол до идеја да го реализира токму овој план.
„Ова е за луѓето во болниците. Мислам дека се неверојатни. Си реков и себе си, мора да направиме нешто специјално за нив освен тоа што им набавуваме маски. Затоа, си помислив, можеби треба да им пратиме храна… Ви благодарам за одличната работа која ја правите, хаста ла виста“, порача Шварценегер.
Our health care team is feeling pumped up today, thanks to a generous feast donated by @Schwarzenegger. ? We appreciate your thoughtfulness and support! pic.twitter.com/DjtFSrjRNv
— Keck Medicine of USC (@KeckMedUSC) April 9, 2020
Камиони застанале пред болницата и истовариле храна, која била за сите вработени присутни на работа тој ден.
Поранешниот гувернер на Калифорнија во самоизолација е со ќерката Катарина и своите домашни миленици, понито Виски и магарето Лулу. Сепак, Шварценегер сакаше да ги поддржи сите оние кој го немаат тој луксуз да останат во своите домови, особено здравствените работници во првите редови.
Споменатата болница во Лос Анџелес моментално има 12 пациенти кај кои е потврден КОВИД19.
Освен оваа донација, Шварценегер учествуваше и во многу други, па во болниците донираше маски, а една донација каде што тој учествуваше вклучуваше 60.000 хируршки маски, 34.000 ракавици и 2.000 хируршки одела.
„Никогаш не го разбрав седењето на кауч и константно жалење за тоа како се лоши работите, секогаш верував дека сите треба со ссвоите дела да допринесеме да се поправат работите“, напиша Шварценегер на Инстаграм.
„Ова е едноставен начин да ги заштитиме нашите вистински херои во болниците и горд сум на тоа што сум дел од истото“, истакна Арнолд.
