Швајцарија ќе дозволи собири до 1.000 луѓе од идната недела зошто бројот на новозаразени од коронавирус се намалува, објави во петокот швајцарската влада, истакнувајќи дека земјата е подготвена за можни нови жаришта на болеста.

„Од понеделник, 22. јуни, мерките воведени за сузбивање на коронавирусот во најголем дел од земјата ќе бидат укинати. Само забраната за големи настани останува на сила до крајот на август“, објави владата.

Во Швајцарија се потврдени повеќе од 31.000 заразени, а 1.680 починаа.

Бројот на новозаразени падна на неколку десетици на ден, овозможувајќи отворање на училиштата, дуќаните и границите. Но економијата западна во длабока рецесија.

Владата им препорача на граѓаните да одржуваат хигиена и да држат физичка дистанца, но ја укина препораката да се работи од дома, додека препорачаната физичка е спуштена од 2 метри на 1,5 м.