Швајцарска „сопка“ за македонските кошаркари на патот кон Мундобаскет

Актуелниот светски шампион доаѓа во Скопје/ Фото: kfsm.mk

Вечерва најдобрата македонска кошаркарска репрезентација во првиот натпревар од претквалификациската група „Ф“ за пласман на Светското првенство 2023 година во СЦ „Јане Сандански“ – Скопје загуби од Швајцарија со 62:67.

Швајцарците почнаа сигурно со водство од 7:2 во првите две и пол минути игра, а потоа со поените на Дубас за 2:9 беше принуден Бајиќ да го побара првиот тајмаут. Советите помогнаа и направивме серија од 8:0 со тројките на Магдевски и Крстевски, а токму овој вториот кој беше најрасположен за поени се погрижи за прва предност од 10:9.

До крајот на првата четвртина двете селекции се менуваа во водството, Крстевски постигна трјка за 17:16, но возврати Ковач на спротивната страна со иста мера, а истиот играч се погрижи за „плус пет“ со уште една тројка за 17:22.

Во првите пет минути од втората четвртина имавме слаба реализација, и тоа го искористи ривалот за значајна серија од 11:5 и загрижувачка двоцифрена предност на гостите од 22:33, а на паузата замина со 25:35. Не одеше шутот за три поени, 4/13, дури четири непрецизни слободни фрлања и со девет загубени топки по првото полувреме.

Македонскиот кошаркарски репрезентативец Кристијан Николов/Фото: kfsm.mk

Успеавме конечно по седум минути игра на третата четвртина да ја пробиеме двоцифрената негатива со поените на Магдевски за 34:42 по што минута одмор побара швајцарскиот стратег Папатеодору. Негативата стигна до „минус седум“ после едно реализирано слободно фрлање на Мекиќ за 37:44. Истиот играч во прав момент постигна тројка за 40:46, но враќа на спротивната страна еден од најефикасните во швајцарскиот состав, Казади за 42:49 пред стартот на последните 10 минути.

При 46:53 Рочар постигна два слободни фрлања за 46:55, Стајиќ намали, па следуваше блокада, за на крај „ерупција“ кај нашата клупа по тројката на Николов за неизвесни 51:55 на нешто повеќе од пет минути до крајот на средбата.

Следуваше забивање на Вајли по асистенцијата на Стајиќ (53:58), но никако не можевме да го запрема Казади кој казни со нова трјка за 53:61. Одново Вајли беше во центарот на вниманието после цепелинот со Николов на три минути до крајот на средбата.

И наместо да се одржи резултатската неизвесност, Крстевски не реализираше во клученападо, па следуваше фаул врз Казади за повторно двоцифрени 55:65. После погрешното додавање на Мекиќ и поените на Рочак по асистенцијата на Казади веќе надежите за некаков кам-бек згаснуваа. Вајли дојде до 14 поени како најефикасен во тие моменти за 60:67 на 22 секунди до крајот, но го престигна Мекиќ, и на крајот се помиривме со првиот пораз.

Вториот дуел играчите на селекторот Драган Бајиќ ќе го играат в сабота против Словачка од 19.00 часот. Потсетување дека во главните квалификации за Мундобаскет обезбедуваат двете првопласирани репрезентации.

Претквалификации за СП 2023
СЦ „Јане Сандански“ – Скопје

Македонија – Швајцарија 62:67

Македонија: Крстевски 13, Стајиќ 2, Николов 3, Андоновски, Марковски, Робев 3, Магдевски 10, Мекиќ 16, Трајковски, Симиќ, Вајли 14, Ефремовски.

Видео на денот