Штотуку породена мајка префрлена на Инфективната клиника на респиратор, бебето е во инкубатор

Архива

Родилка во тешка состојба на Гинеколошко акушерската клиника, позитивна на коронавирусот со породила со бебе 13 недели пред предвидениот рок. Мајката потоа во тешка состојба е префрлена на Клиниката за инфективни болести и фебрилни состојби и се наоѓа на респиратор, потврдуваат од ГАК за „Слободен печат“. Бебето е во инкубатор и уште се чекаат резултатите дали е позитивно на коронавирусот. Мајката дала податок дека се заразила на свадбена прослава. Ова и било прво раѓање.

-Пациентката од вчера е префрлена на Инфективната клиника и во 27мата недела е извршено пораѓањето. Со ниска сатурација беше префрлена на Инфективната клиника. Даде податок дека се заразила на свадбена веселба во Куманово. Прво е третирана амбулантски во Куманово, а потоа болнички, па со позитивен тест е пратена кај нас. Бебето е во инкубатор и од минатата ноќ е стабилно. Го водиме во изолација од ковид позитивна мајка и не знаеме дали и тоа е позитивно, изјавија од ГАК за Слободен печат. Нема податок за кој сој на коронавирусот се работи.

На ГАК се наоѓа и уште една бремена жена која е ковид позитивна, но без симптоми. И таа дала податок дека член на нејзиното семејство бил на поголем настан во Гостивар, по што за неколку денови таа добила позитивен тест на коронавирусот.

Видео на денот