Нема ниту едно чувство што може да го замени чувството по интензивен тренинг. Без размика дали сте вид на личност која сака да трча, или да вежба јога, вежбањето дава посебен наплив на ендрофин. Но, не толку посакуваниот дел после вежбање – е токму болката.

Напрегањето на мускулите, без оглед на вашиот метод на вежбање, многу честа појава е воспаление на мускулите. Оваа болка на почетокот се чини „неиздржлива“, но на крајот ќе ви помогне да бидете посилни и постепено ќе допринесе зголемување на мускулната маса.

Но, тренингот да биде целосно позитивно искуство, многу е важна правилната исхрана. Одредена храна има поспецифични хранливи материи, може да ви помогне да се опоравите побрзо, па дури и да ја намали  болката во мускулите. Вам ви е потребен сооднос 2:1, јаглени хидрати и протеини.

Експертите предлагаат јадења кои се одлични за обновување на силата во мускулите после вежбање, а воедно и да се спремите за следниот тренинг:

Спанаќ

Спанаќот е преполн со хранливи состојки кои помагаат за воспаленија, вклучувајќи витамини Б, Ц и А. Исто така содржи 5гр протеини по чаша. Лесно можете да го додадете во вашиот протеински шејк после вежбање, без воопшто да го промени вкусот.

Боровинки или малини

Знаеме дека овошјето, генерално, содржи антиоксиданти кои им помагаат на вашите мускули побрзо да се „санираат“ после тренинг. Но, боровинките содржат најголема количина антиоксиданти. Покрај боровинките, и малините се одличен извор на јаглени хидрати како и сиртуини. Сиртуините модулираат различни клеточни функции, помагаат за воспаленија во телото, регулираат метаболизам и значително помагаат при закрепнување.

Чиа семе

Семето од чиа содржи три грама чист протеин, што значи дека ги содржи сите девет есенцијални аминокиселини. Исто така, обезбедува клучни минерали, како што се железо, калциум и магнезиум, како и антиинфламаторни маснотии кои во комбинација би ви помогнале во процесот на закрепнување.

Многу луѓе не знаат како да го користат ова семе, наша препорака е да го додадете во јогурт, или едноставно во вода. Можете да направите чиа пудинг. Потопене малку чија во млеко и оставете да преноќи. Сè што ви треба отпосле е само малку свежо овошје.

Зелен чај

Последното истражување покажува дека 500мг екстракт од зелен чај ги намалува болките во мускулите предизвикани од вежбање. Зелениот чај е богат извор на антиоксиданти и полифеноли кои помагаат при регулирање на оксидативното оштетување.

Банана

Бананите се полни со јаглени хидрати и калиум, две хранливи материи што одлично влијаат на мускулите. Банадите може да ги надополнат „согорените“ јаглехидрати од вежбањето, заедно со калиум и електролит што сте ги „потрошиле“ при потење.

Овесна каша

Овесната каша е одлична бидејќи е супер лесна за правење. Да не зборуваме за тоа дека може да ни го продолжи животот. Истражувачите од Харвард откриле дека луѓето кои јадат 33 грама интегрални житарки дневно, го намалува ризикот од предвремена смрт за дури 9% во споредба со оние кои воопшто не консумирале зрнеста храна.