„ШТО ТЕ НЕМА“: По еден филџан кафе за секој загинат во Сребреница

што те нема кафе

„Што те нема“ е авторски проект на Аида Шеховиќ, која почнувајќи од 2006 година, па до денес, секоја година во различен град во светот организира креирање споменик за жртвите на геноцидот.

Таа за Кликс.ба вели дека идејата е секогаш оваа акција да се случува на јавно место, а инспирација е била една сребреничка мајка.

Шеховиќ прочитала приказна во која на прашањето што ѝ недостига најмногу, жената одговорила дека сопругот и семејството најмногу и недостигаат моментите во кои заедно пиеле кафе.

што те нема

Секој кој сака да земе учество може да донира филџани, а секој филџан симболизира една жртва на геноцидот. Првата поставка била во Сараево, а оваа година се одржа во Венеција. Кафе варат исто така доброволци кои сакаат да учествуваат во креирањето на овој споменик.

Голем е бројот на луѓе кои избегале во други земји, а тие со задоволство учествуваат во оваа акција, со цел никогаш да не се заборави Сребреница, но и никогаш да не се повтори нешто слично.

Името на проектот го носи насловот на познатата песна „Што те нема“, на Јадранка Стојаковиќ.

што те нема

Шеховиќ сведочи и дека во нејзината поставка се вклучуваат и луѓе кои за настанот дознаваат токму кога почнуваат со поставување на филџаните на јавниот простор.

„Овој споменик нема обележја, нема знамиња, нема симболи, ништо што на каков било начин може да ги подели луѓето“, изјавила таа за Кликс.ба.

Фотографии: „Што те нема“

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот