Што се случува со Барселона, нема пари за да му ја исполни најголема желба на Куман
Претседателот на Барселона, Хосеп Марија Бартомеу, по срамниот пораз од Баерн Минхен во ЛШ најави револуција, но оттогаш си замина единствено Иван Ракитиќ.
Од отпишаните, Луис Суарез е подготвен за „војна“ и не сака да си оди од Барселона, Артуро Видал се уште не го комплетирал трансферот во Интер, додека Самуел Умтити не го сака никој, а се чекаат понуди и за Тодибо и Семедо.
Денеска речиси сите европски медиуми објавија дека Барселона се договорила со Олимпик Лион за трансфер на Мемфис Депај, кој е најголема желба на новиот тренер Роналд Куман.
Ниту Лаутаро, ниту Вајналдум: Барса со големо засилување до крајот на неделава!
Но, претседателот на францускиот тим, Жан Мишел Ола, потврди дека приказната е поинаква, односно дека од Барселона му порачале дека сакаат да го купат Депај но немаат пари да испратат понуда.
– Бартомеу ме повика во неделата и ми потврди дека клубот сака да го ангажира Депај, но дека пандемијата на коронавирусот предизвикала голема криза и во овие моменти не се во можност да испратат било каква понуда – изјави Ола.
Медиумите денеска објавија дека трансферот треба да изнесува 25 милиони евра плус пет милиони евра во бонуси, но дури откако ќе ги заработи.
Токму таква информација објави и италијанскиот новинар Фабрицио Романо кој тврди дека Барселона прво треба да продаде фудбалери за да може да купува.
Barcelona need to sell players before announcing Memphis Depay, as confirmed by @MikeVerweij. The agreement with OL is almost ready, personal terms were completed one week ago… but Barça have to sell Luis Suarez before signing Depay. Same for midfielders. La Liga rules. ? #FCB https://t.co/8uBw8qXMex
— Fabrizio Romano (@FabrizioRomano) September 15, 2020
Најголемиот проблем за каталонскиот клуб во време на кризата се големите плати на фудбалерите, каталонците издвојуваат највеќе пари за плати на своите играчи во цела Европа.