Што пишуваат медиумите по триумфот: Ѓоковиќ се искачи на Олимп
Новак Ѓоковиќ денеска испиша нови страници во тениската историјата, по шести пат триумфира на Вимблдон, а притоа го освои и 20. грен слем трофеј во кариерата.
Ова значи дека Ѓоковиќ се израмни со Рафаел Надал и Рожер Федерер на првото место на вечната листа, кои исто така имаат по 20 триумфи на најголемите тениски турнири. За новата титула на Ѓоковиќ пишуваат сите европски и светски медиуми.
„Ѓоковиќ се искачи на Олимп“, пишува шпанска „Марка“ која има и текст со наслов:
„Десет рекорди кои докажуваат дека Ѓоковиќ е најдобар во историјата“.
.@DjokerNole y los 10 registros que le convierten en el mejor de la historia del tenis https://t.co/lE20lC3m1Q pic.twitter.com/zDsSSobYjl
— MARCA Polideportivo (@MarcaTMF) July 11, 2021
„20 грен слемови. Кој е сега најдобар во историјата?“, прашува „Мундо Депортиво“ кој освојувањето на Вимблдон го испрати со насловот: „Ѓоковиќ е шампион на Вимблдон. Се израмни со Надал и Федерер“.
Италија тагува поради поразот на Беретини.
„Нема среќен крај за Беретини. Ноле го осво 20 грен слем трофеј“, констатира „Газета дело Спорт“.
#Wimbledon, #Djokovic campione, #Berrettini si arrende in 4 set https://t.co/ASHfM9AK2P
— La Gazzetta dello Sport (@Gazzetta_it) July 11, 2021
„Беретини, штета. Ѓоковиќ победи со пресврт и го освои Вимблдон“, пишува „Тутоспорт“.
Британските медиуми не пропуштија да го одбележат триумфот на најдобриот светски тенисер.
„Ѓоковиќ го освои Вимблдон и го израмни рекордот по бројот на грен слем титули во машка конкуренција“, пишува Би-Би-Си.
„Ѓоковиќ го освои шестиот трофеј на Вимблдон и 20 грен слем титула“, констатира Скај, а сличен наслов има и „Гардијан“.
За хрватскиот Индекс нема дилеми – „Новак Ѓоковиќ, најдобар на сите времиња“.
