Долго очекуваниот документарен филм на Нетфликс за легендарниот Формула 1 возач, Михаел Шумахер нема да ги запре шпекулациите за неговата здравствена состојба бидејќи ништо од тоа што ја интригира светската јавност не е откриено во филмот.

Сите се свесни дека неговата здравствена состојба не е добра и доколку има напредок по неговиот пад на француските Алпи во декември 2013 година, сигурно не е таков да заслужи да биде прикажан пред камерите.

OUT NOW.
Worldwide, in more than 190 countries, in 30 different languages.
Only on Netflix
SCHUMACHER
🏎 #SchumacherNetflix 🏎
AB HEUTE:
Weltweit, in mehr als 190 Ländern, in 30 verschiedenen Sprachen.
Exklusiv auf Netflix
SCHUMACHER pic.twitter.com/QpT1dcdNrC

— Michael Schumacher (@schumacher) September 15, 2021

Поради тоа постои разочараност кај речиси сите кои го погледнаа документарниот филм на Нетфликс бидејќи се надеваа дека ќе бидат прикажани и ексклузивни фотографии од приватната архива на семејството Шумахер кои би претставувале опис за состојбата во која се наоѓа седумкратниот Ф1 шампион.

Критичарите немаа милост кон сценаристите на документарецот кои пак добија поддршка од семејството Шумахер за да ја раскажат приказната во овој облик за да не се наруши митот за Михаел.

Дури на крајот од вториот час од филмот, односно кон крајот на документарецот се споменува несреќата која се случи на француските Алпи. Најголем дел од коментарите на сопругата на Михаел, Корина Шумахер беа во стилот „поинаков“, „сè уште покажува колку е силен“... но за критичарите тие пораки се нејасни и не кажуваат речиси ништо.

Schumacher documentary a disappointing tribute to an extraordinary life https://t.co/xylOzSleSc

— Sam Griffin (@samgriffo) September 15, 2021

Наместо тоа, фановите на Михаел Шумахер можеа да ги погледнат сеќавањата на Мика Хакинен за нивното ривалство уште од детските денови, снимки до нуркањето на Михаел и Корина во Обединетите Арапски Емирати, караоке со Дејвид Култхард, слики од семејниот одмор во Норвешка….