Одлуката е веќе донесена, натпреварите од Серија А до 3. април ќе се играат пред празни трибини. Таа одлука вчера ја донесе италијанската влада.

Епидемијата на коронавирусот предизвика голема главоболка за италијанските власти во последните неколку дена, со што беше донесена одлука да се игра фудбал без публика во наредните недели.

На клубовите им беа дадени јасни упатства за тоа како да се реагираат во иднина, и доколку некој од играчите во Серија А биде заразен со коронавирус, натпреварувањето веднаш ќе биде прекинато.

– Клубовите и нивниот медицински персонал имаат должност да ги контролираат сите спортисти, тренери и директори и секој кој присуствува на натпреварите, за да се спречува ризикот од ширење на вирусот „Ковид19“ – се вели во владината наредба.

Овој викенд ќе бидат одиграни заостанатите мечеви од 26. коло во најсилното италијанско фудбалско првенство вклучувајќи го дербито Јувентус – Интер од 20:45 часот на стадионот „Алијанц“.