Косовскиот претседател, Хашим Тачи, во рамките на неколкудневната посета во Јапонија, реализираше средба и со тамошниот премиер, Шинзо Абе.

Преку постирање на социјалните мрежи Тачи рече дека средбата била продуктивна, но и дека разговарале за преземање на конкретни чекори за да се зацврстат врските меѓу двете држави. Но косовскиот претседател упатил и барање до Јапонците.

– Му се заблагодарив на премиерот Абе за поддршката што Јапонија и ја даде на Косово, особено во фазата на градење на државата, градењето институции, во областа на медиумите, здравството, образованието, културата и животната средина. Исклучително е добра вест дека Јапонија го зголемува своето присуство во регионот на Западен Балкан, додека иницијативата на премиерот Абе за соработка со Западен Балкан е многу охрабрувачка. Веќе имаме јапонски инвеститори во Косово и побаравме повеќе од нив да дојдат во нашата земја. Ние ветивме дека ќе создадеме деловен парк за јапонските бизниси”, изјавил Тачи преку социјалната мрежа Фејсбук.