Што е подобро: Дали да консумирате цел плод или свежо цеден сок?
Денес многу актуелно е да се прави смути или свежо цеден сок, особено ако сте на диета. Се прават брзо и овозможуваат детоксикација на организмот. Но, дали е подобро да ги консумирате плодовите во таква форма или да ги јадете цели?
View this post on Instagram
Двете опции имаат свои позитивни и негативни страни. Свежите сокови имаат висока концентрација на важни хранливи состојки и колку и да се чини неверојатно, тие се многу поволни за здравјето. Но, истовремено при цедење на соковите доаѓа до намалување на квалитетот на антиоксидантите и фитонутриентите, затоа што при допир со воздух доаѓа до процес на оксидација. За да се намали оваа загуба препорачливо е сокот да се пие веднаш по цедењето, најдоцна 15 минути по подготовката.
Некои сокови предизвикуваат раздразнување на цревата и на желудникот, поради содржината на лимонова киселина, па не е добро да се консумираат на гладно. Поголемата количина фруктоза во свежиот сок може да му наштети на црниот дроб и да предизвика наталожување на мастите.
View this post on Instagram
Во соковите нема пулпа, кора или семки од плодот, во кои се содржат многу полезни материи. Месото од плодот е главно депо на влакна, кои се важни за целокупното здравје. Па кога подготвувате сок се откажувате од ваквите корисни материи.
View this post on Instagram
Консумирањето плодови вклучува и процес на џвакање што бара енергија и го засилува чувството на ситост. При варење на храната, хранливите материи се апсорбираат побавно. Додека кога пиете сок, тоа се одвива многу побрзо. Бидејќи не се троши енергија, која се добива во високи дози, сокот е високоенергетска храна што не заситува. Вишокот калории веднаш оди во резервата од маснотии.
Затоа свежо цедениот сок во разумни дози е полезен, но не е подобар од свежиот плод. Секогаш претпочитајте да јадете свежи овошја или зеленчуци, а повремено можете да се почестите со цеден сок или смути.