Ако во периодот на забрзано ширење на коронавирусот и здравствената препорака за самоизолација, вие или некој од вашата близина упорно се прави мангуп и „си тера по свое“, е тогаш не се чудите ако зад грб, или можеби право в лице го наречат ковидиот.

Јасно ви е за што зборуваме, нели?

This may be well known but I just saw it. #COVIDIOT. pic.twitter.com/ChALVBIGod

— Karl Bilimoria (@kbilimoria) March 22, 2020

Во најпознатиот онлајн-речник Urban Dictionary е додаден и терминот ковидиот. Претпоставувате зошто и овој термин се најде во овој речник кој е секогаш во чекор со трендовите? Бидејќи терминот ковидиот сè повеќе се користи во последниов период. А важи за луѓе кои одбиваат да останат во самоизолација и се движат кога сакаат и каде сакаат, и тоа без никаква заштита.

И на Твитер од неодамна постои хаштаг ковидиот. Таму ќе забележите дека терминов е многу актуелен. А ние веруваме дека ќе ви се отворат очите и дека ќе „соберете“ по некој совет, пред да го „соберете“ вирусот.