Што да гледате на Нетфликс и Ејџ-би-о овој викенд?
Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.
Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.
„Where the Tracks End“ – филм на Нетфликс
Во руралните средини на Мексико, наставничката Џорџина е решена да направи разлика во животите на младите, паметни ученици што ги образува во импровизирана училница во вагони.
Жанр: комедија/драма / „IMDB“ оценка: 7.2 / „Rotten Tomatoes“ рејтинг: /
„Fake Profile“ – филм на Нетфликс
Камила го запознава нејзиниот совршен маж преку апликација за запознавање. Но, по идиличната романса, таа дознава дека била измамена…
Жанр: драма / „IMDB“ оценка: 6 / „Rotten Tomatoes“ рејтинг: /
„Joyride“ – филм на Ејџ-би-о
Проблематичен адолесцент случајно завршува на диво патешествие со една скршена мајка и нејзиното бебе.
Жанр: комедија/драма / „IMDB“ оценка: 6.1 / „Rotten Tomatoes“ рејтинг: 68%
„Industry“ – серија на Ејџ-би-о
Серијата ни го прикажува светот на меѓународните финансии. Серијата следи една група од амбициозни млади дипломци што се натпреваруваат за позиции во една врвна инвестициска банка во Лондон.
Жанр: драма / „IMDB“ оценка: 7.2 / „Rotten Tomatoes“ рејтинг: 86%