Што да гледате на Нетфликс и Ејџ-би-о овој викенд?
Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.
Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.
„The Half of It“ – филм на Нетфликс
Школскиот фраер Пол ја замолува срамежливата Ели да му напише љубовно писмо за девојката која му се допаѓа – Естер. Иако првично одбива, Ели ја прифаќа понудата и, пишувајќи ги писмата за Естер, почнува да развива чувства за неа.
Жанр: романса / „IMDB“ оценка: 6.9 / „Rotten Tomatoes“ рејтинг: 97%
„Never Have I Ever“ – серија на Нетфликс
По трауматична година, индиско-американска тинејџерка сака да го подобри својот статус на училиште. Но, пријателите, семејството и чувствата не ѝ помагаат во тоа…
Жанр: драма / „IMDB“ оценка: 7.8 / „Rotten Tomatoes“ рејтинг: 93%
„Women Is Losers“ – филм на Ејџ-би-о
Бремената латино тинејџерка Селина одлучува да го задржи бебето откако пријателката ѝ умрела за време на абортус. Додека Селина се соочува со пречките да биде млада самохрана црномуреста мајка во 1960-тите во Сан Франциско, таа наоѓа сојузници и ментори.
Жанр: драма / „IMDB“ оценка: 5.8 / „Rotten Tomatoes“ рејтинг: 72%
„Cómo mandarlo todo a la mierda“ – серија на Ејџ-би-о
Откако е откажана училишната екскурзија, Алба открива дека дел од нејзините соученици планираат да отпатуваат без знаење на нивните родители, па се обидува да добие место во комбито.
Жанр: комедија/драма / „IMDB“ оценка: 5.7 / „Rotten Tomatoes“ рејтинг: /