Што да гледате на Нетфликс и Ејџ-би-о овој викенд?
Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.
Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.
„The Office“ – серија на Нетфликс
Заснована на истоимената популарна британска комедија, „The Office“ се одвива во и околу момпанијата за хартија „Дандер Мифлин“ во Скрентон, Пенсилванија. Серијата го користи истиот документарен стил како оригиналот.
Жанр: комедија / „IMDB“ оценка: 9 / „Rotten Tomatoes“ рејтинг: 81%
„You People“ – филм на Нетфликс
Нов пар и нивните семејства ја истражуваат модерната љубов и семејната динамика среде судирите на културите, општествените очекувања и генерациските разлики.
Жанр: комедија / „IMDB“ оценка: 5.6 / „Rotten Tomatoes“ рејтинг: 42%
„Parks and Recreation“ – серија на Ејџ-би-о
Ја следиме Лесли Ноуп, административка во Одделот за паркови и рекреација во Пауни, Индијана, во нејзиниот обид да го разубави својот град и да напредува во својата политичка кариера низ урнебесно здодевниот свет на локалните власти.
Жанр: комедија / „IMDB“ оценка: 8.6 / „Rotten Tomatoes“ рејтинг: 93%
„George Carlin’s American Dream“ – филм на Ејџ-би-о
Кариерата на Карлин траела половина век еволуирајќи и кореспондирајќи со времето сè до неговата смрт во 2008 година. Документарецот го истражува културниот камелеон кој е запаметен како еден од највлијателните стенд-ап комичари на сите времиња.
Жанр: документарец / „IMDB“ оценка: 8.3 / „Rotten Tomatoes“ рејтинг: 100%